«خطأ غير مبرر وأتقبل العقوبة».. ناصر منسي يعتذر رسميا لجمهور الزمالك عقب واقعة القميص
01:23 ص | السبت 17 أكتوبر 2026
«خطأ غير مبرر وأتقبل العقوبة».. ناصر منسي يعتذر رسميا لجمهور الزمالك عقب واقعة القميص
اعتزر ناصر منسي، مهاجم الفريق الأول لكرة القدم بنادي الزمالك، بشكل رسمي وجماهيري عبر حسابه على موقع تبادل الصور والفيديوهات «إنستجرام»، وذلك على خلفية مشهد احتفاله المثير للجدل، عقب إلقائه قميص الفريق أرضًا بعد إحرازه هدف الفوز في شباك الجيش الرواندي، ضمن منافسات ذهاب دور الـ 32 لبطولة دوري أبطال إفريقيا، وهي اللقطة التي تبعها قرار عاجل من عبد الناصر محمد، مدير الكرة، بتوقيع عقوبة مالية مغلظة بحق اللاعب.
اقرأ أيضًا: 500 ألف جنيه.. تعليق مثير من أحمد دويدار بعد قرار الزمالك ضد ناصر منسي
منسي: لازم أعتذر لكل زملكاوي زعل مني بسبب رمي التيشيرت
وأعرب منسي عن أسفه الشديد، قائلاً: «بيان اعتذار إلى جمهور نادي الزمالك العظيم، جمهور الزمالك العظيم بيتي وأهلي وسندي بعد ربنا».
وتابع: «أنا بكتب الكلام ده وأنا حاسس إني لازم أعتذر لكل زملكاوي زعل مني بسبب رمي التيشيرت كان تصرف غلط، وأنا بعتذر عنه بكل صدق، ومهما كان الضغط أو الانفعال اللي كنت بمر بيه، ده مش مبرر للتصرف ده، وأنا متقبل أي عقوبة».
وواصل: «نادي الزمالك وجمهوره ليهم فضل كبير عليَّ بعد ربنا، وعمري ما أنكر فضل المكان اللي اداني الثقة والفرصة، ولا أنسى حب الجمهور اللي دايمًا كان سند ليا كل هدف بجيبه، وكل نجاح بوصل له، وراه فضل ربنا ودعم النادي وجمهوره وزمايلي وكل الناس اللي واقفة جنبي».
منسي: الزمالك بالنسبالي مش مجرد نادي هو بيت وعيلة وانتماء
وأردف: «أنا واحد منكم، والزمالك بالنسبالي مش مجرد نادي، الزمالك بيت وعيلة وانتماء، وناصر منسي عمره ما ينسى فضل الزمالك وجمهوره إحنا عيلة واحدة، ومهما حصل مش هنسمح لأي حاجة أو لأي حد يفرق بينا. يمكن نختلف أو نزعل، لكن اللي بينا أكبر من أي موقف، وحب الزمالك هو اللي بيجمعنا دايمًا».
واختتم منسي بيانه متعهداً بالتعويض داخل المستطيل الأخضر بالقول: «حقكم عليَ، وبعتذر لكل زملكاوي زعل مني، وإن شاء الله أرد الاعتذار ده في الملعب بأدائي واجتهادي، وأفضل عند حسن ظنكم بيا عاش الزمالك، وعاش جمهوره العظيم. جمهور الزمالك دايمًا في القلب»
الاكثر قراءة
أسعار الذهب في ختام تعاملات اليوم الخميس 15 أكتوبر 2026
إنفوجراف
