الأحد 15-11-2026 12:40 كتب: إيهاب الجنيدي
محمد هاني - صورة أرشيفية تصوير : آخرون
محمد هاني - صورة أرشيفية
كشف أحمد شوبير حارس مرمى الأهلي ومنتخب مصر السابق مستجدات تجديد عقد محمد هاني داخل النادي الأهلي في أعقاب تألقه اللافت مع منتخب مصر وما تردد في الساعات الماضية عن تجديد تعاقده.
وقال أحمد شوبير في تصريحات إذاعية: "إمبارح بدات تظهر أخبار عن تجديد محمد هاني وإن الأمور اقتربت جدا، على فكرة محمد هاني مش معقد الموضوع ومعندوش مشكلة والخلاف على حاجات بسيطة، زي ما حصل مع مصطفى شوبير قبل كده".
اقرأ أيضًا: شوبير يكشف مفاجأة في مفاوضات تجديد عقد محمد هاني مع الأهلي
وتابع شوبير: "هاني مش متشرط في الفلوس وهو لاعيب عمل كل حاجة مع الأهلي والمنتخب بس هو عايز حتة تقدير وأعتقد هتمشي الأمور على خير، والناس في الأهلي قالوا مش عشان هاني تألق مع المنتخب عشان إحنا عارفين هان كويس وعارفين إمكانياته، وعموما أنا شايف إن موضوع الإعلانات والرعايات عشان زيادة دخله أعتقد هاني يستحقه وده ابن النادي".
وأضاف شوبير: "فيا جماعة قربوا القصة وخلصوها، هاني معادش صغير ده حاجة وثلاثين سنة، وهاني هيبقى كادر كبير في النادي يعني تقول محمد هاني ده هيبقى مدير كرة أو عضو مجلس إدارة ، وأنت مع نجوم الكرة لما مسكوا النادي حققوا نجاحات كبيرة جدا زي ما حصل مع صالح سليم وحسن حمدي ومحمود الخطيب وأنت مطالب يبقى عندك كوادر للمستقبل".
