علق الإعلامي أحمد شوبير، على الأزمة المستمرة بين نادي الزمالك ولاعبه السابق أحمد سيد زيزو، والتي تتعلق بملف المستحقات خلال فترة تواجده ضمن صفوف الفريق.

وأكد أحمد شوبير في تصريحات إذاعية، أن أزمة زيزو والزمالك تتجه نحو المحكمة الرياضية الدولية «كاس»، في ظل صعوبة الوصول إلى حسم نهائي للنزاع داخل مصر.

اقرأ أيضًا: عمرو الحديدي: جماهير الأهلي تتعامل مع بن جديدة على أنه سفيان رحيمي

موقف الزمالك وزيزو من الأزمة

وقال شوبير: "الزمالك بيقول إن عنده خطوات تصعيدية، وإن قرار النيابة العامة في صالحه، وده موقف كمال شعيب المستشار القانوني للنادي".

وأضاف: "في المقابل، أشرف عبدالعزيز محامي زيزو بيقول إن قرار النيابة بالنسبة لهم ممتاز، وإن الموضوع هيرجع تاني لاتحاد الكرة، وهيكملوا لحد المحكمة الرياضية".

وتابع: "أنا مش قانوني ومبفهمش في الحاجات دي، لكن خلينا ننتظر ونشوف، وفي الآخر هيطلع القرار".

أزمة زيزو والزمالك أمام كاس

وأوضح شوبير: "أنا متأكد إن الموضوع ده هيوصل للمحكمة الرياضية الدولية، خلاص الموضوع محسوم، لأنه مش هيكون هنا حسم، القصة بقت معقدة وصعبة".

وأضاف: "إحنا هنا دايمًا فيه حسابات، وفيه حتة ذكاء برضه، فالأفضل نبعد عن الدوشة دي، والموضوع يروح للمحكمة الرياضية، واللي عايز يحكم يحكم".

واختتم شوبير تصريحاته قائلًا: "ده اللي أنا شايفه هيحصل في موضوع زيزو، ودي رؤيتي بحكم خبرتي القديمة في التعامل مع الاتحادات والحاجات دي".