الجمعة 23-10-2026 05:58 كتب: كريم كمال
مباراة الأهلي والشرقية إنبي في الدوري الممتاز - صورة أرشيفية تصوير : آخرون
مباراة الأهلي والشرقية إنبي في الدوري الممتاز - صورة أرشيفية
كشف عمرو الجزار، مدافع الفريق الأول لكرة القدم بالنادي الأهلي، كواليس رحلته مع المرض قبل انضمامه للقلعة الحمراء، موضحًا أنه مرّ بفترة عصيبة كانت ستودي به إلى اعتزال عالم الساحرة المستديرة.
وقال عمرو الجزار بتصريحات عبر شاشة قناة الأهلي: «مريت بفترة صعبة زي الفترة اللي بمر بيها دلوقتي، وكانت بقعد لوحدي أعيط وسط 4 حيطان، جاتلي التهابات في عضلات بطني السفلى، وباخد مسكنات عشان التمرين، وجيت على نفسي جامد، واللي متعود على الشقى ميعرفش راحة».
اقرأ أيضًا: «غيور على النادي.. وهي كبوة».. نجم الأهلي يعلق على تحذير الخطيب
وأضاف: «روحت للدكتور وخدت حقنة بلازما، وبعدها سخونية جامدة ورعشة ودرجة حرارتي عالية، وكنت تعبان جدًا ومش بعرف أنام من الآلم».
وتابع عمرو الجزار: «وزني نزل من 70 لـ 50 كيلو، ومش بعرف أمشي غير وأنا ساند على الحيط، لحد ما ربنا كرمني بعد 3 شهور، ولولا فضل ربنا والدكتور كنت بطلت كورة خالص».
وأكمل مدافع الأهلي: «طلبت من النادي 5000 جنية عشان أديهم للدكتور من أصل 30 ألف فلوس العملية، ولكنهم رفضوا، وفي الآخر كلمت والدي طلبت منه ومش عارف اتصرف فيهم إزاي».
وواصل: «إداري الفلوس رفض تاني يديني فلوس العملية، وبعد زن مني وافق وقالي تعالى ورايا، قولت والله هندمك على اللي بتعمله معايا، وبعدين سحبلي الفلوس وسابني ومشي».
واختتم عمرو الجزار حديثه قائلًا: «كنت بعيش بـ 2000 جنية مرتبي من النادي، وفطار كان عبارة عن باتية وعصير، وكنت معتمد على الوجبة اللي بيطلعها النادي».
ويغيب عمرو الجزار، عن صفوف فريق الأهلي، بسبب تعرضه للإصابة بقطع في الرباط الصليبي للركبة، خلال مباراة المارد الأحمر أمام المقاولون العرب في الدوري بتاريخ 10 أكتوبر 2026، وتتراوح مدة غيابه بين 8 إلى 9 أشهر.
