«آخر حاجة إني أكون حرامي».. ميدو يكشف تفاصيل رد أموال لخزينة الزمالك
12:12 ص | الأربعاء 04 نوفمبر 2026
أخبار متعلقة
كشف أحمد حسام ميدو المدير الفني السابق لفريق الزمالك، تفاصيل الأموال الذي سددها لخزينة نادي الزمالك، والتي تعود تفاصيلها لعام 2015 حينما كان مدربا للفريق.
وقال ميدو، في تصريحات تليفزيونية: «الناس من كتر إفلاسها ومش لاقيين حاجة يقولوا إيه على ميدو، راحوا مسربين إيصال إن فيه فلوس عليّا بـ785 دولار بتاريخ 18 يناير 2025، يعني من فترة، وسددتها للخزينة، وطلعوا الإيصال امبارح».
اقرأ أيضًا: الأزمة تتصاعد.. القصة الكاملة لخناقة شركة الكرة بعد بيان رموز الزمالك
وتابع: ولكن القصة إن في إحدى الرحلات الإفريقية، اسألوا اللاعيبة، كانوا بيطلبوا إمضاء على أوضتي، وأنا دايمًا بدفع من غير ما أتكلم، وألاقي فواتير عليّا لحاجات ماخدتهاش، وعمري ما كنت براجع وفي رحلة زامبيا، اللاعيبة طلبوا فلوس وما قالوش، ولما اتقالي إن فيه مخالفة من 2015 بسبب الروم سيرفيس، سددتها تاني يوم ولكن وبعد حلقة أمس طلعوا الإيصال، وقالوا أهو ميدو اللي بيتكلم عليه مخالفة، أنا عندي مخالفة روم سيرفيس، وده آخرك معايا؟ طيب، أنا عندي عيوب، لكن آخر حاجة ممكن تكون إني أكون حرامي أو فاسد.
ميدو: اتنازلت للزمالك عن 20 مليون
وتابع: «أنا دافع للزمالك ومتنازل عن أموال بمبلغ لا يقل عن 20 مليون، وبعمل ده بحب، وده واجبي ودوري في دعم النادي ولما أتكلم عن فساد، ومن كتر إفلاسهم يطلعوا وصل مسدد من 22 شهر، يبقى تتأكدوا إن ميدو ماشي صح، ومعنديش حاجة مداريها، وعمري ما أخدت جنيه ما استحقوش».
