الثلاثاء 27-10-2026 01:02 كتب: رانيا عبدالوهاب
مصطفى عبده - صورة أرشيفية تصوير : آخرون
مصطفى عبده - صورة أرشيفية
شن مصطفى عبده، نجم الأهلي السابق، هجومًا حادًا على ثنائي الفريق الأول لكرة القدم، ياسر إبراهيم ومحمد هاني، بسبب ملف تجديد عقديهما مع القلعة الحمراء.
وذلك في ظل استمرار الحديث عن ملف تجديد عقدي ياسر إبراهيم ومحمد هاني مع الأهلي، ودخول الثنائي في خلافات مع الإدارة بشأن المقابل المالي وشروط التعاقد، في الوقت الذي يسعى فيه النادي لحسم ملف التجديد والحفاظ على عناصره الأساسية.
اقرأ أيضًا: غضب أحمد رضا يشعل الموقف داخل الأهلي.. والإدارة لم تحسم قرارها
وقال مصطفى عبده في تصريحات تليفزيونية خلال برنامجد "الكورة مع فايق": «مع احترامي لـ ياسر إبراهيم ومحمد هاني، بس أنت بتتشرط بإمارة إيه؟ لو كان ياسر ولا هاني مش عايزين يجددوا، يبقي ألف سلامة.. السكة اللي تودي».
وتابع نجم الأهلي السابق: «هي الكرة إيه أخد بس؟ إحنا أخدنا منكم إيه؟ إحنا مشوفناش حاجة؟ السنة اللي فاتت طلعنا صفر، والسنة دي مفيش؟ بإمارة إيه؟ إذا كنت مش عارف تقف على رجليك؟ ولعيب يدعي الإصابة ويقول لما أشوف هتعملوا معايا إيه، يا سيدي اللي مش عايز يجدد مع ألف سلامة، أنتوا من غير النادي ولا أي حاجة؟ أنتوا هتعرفوا ده لما تعتزلوا».
واستكمل مصطفى عبده تصريحاته قائلًا: «أنا بتكلم دلوقتي كواحد من الجمهور.. واحد هيطلع يقول ده بيهد الفرقة؟ أنا مش بعمل كده... ماتش الأهلي اللي عدى معلش، في 11 من بره و2 من ناشئين النادي، فين أبناء النادي الأهلي؟ أنا حزين على اللاعبين».
